İranın İnqilab Keşikçiləri Korpusu (SEPAH) ABŞ-ın addımlarına cavab olaraq onun Körfəz regionundakı hədəflərinə zərbələr endirdiyini bildirib.

Senzor.az bildirir ki, bu barədə İran Dövlət Televiziyası məlumat yayıb.

Xatırladaq ki, ABŞ Mərkəzi Komandanlığı (CENTCOM) Hörmüz boğazından keçən ticarət gəmisinə edilən son hücuma cavab olaraq iyunun 26-da İrana qarşı hava zərbələri endirdiyini açıqlayıb. SEPAH isə cavab olaraq bildirib ki, “təcavüz davam edərsə, zərbələr daha geniş olacaq”.