İsrail ordusunun döyüş sursatları 10 gündən sonra tükənə bilər.
“Teleqraf” xəbər verir ki, bunu İsrailin keçmiş müdafiə naziri və müxalif "Evimiz İsrail" partiyasının lideri Aviqdor Liberman deyib.
A.Libermanın sözlərinə görə, İsrail hökuməti yalnız seçki kampaniyası ilə məşğul olduğu bir vaxtda Fələstinin HƏMAS hərəkatı Qəzza zolağında nəzarəti gücləndirir və raket istehsal edir.
"10 gündən sonra ordunun döyüş sursatı qalmayacaq. HƏMAS-ın bərpası artıq başlayıb", — deyə A.Liberman bildirib.
Qeyd edək ki, İsraildə növbəti parlament seçkiləri ən geci 2026-cı il oktyabrın 27-nə təyin edilsə də, koalisiya daxili münaqişələr səbəbindən parlamentin vaxtından əvvəl buraxılması prosesi başladılıb. Parlament buraxılacağı təqdirdə seçkilər oktyabrın əvvəlinə keçirilə bilər.
