Ermənistanın baş naziri Nikol Paşinyan Fransaya işgüzar səfərə gedib.Senzor.az yerli KİV-ə istinadən bildirir ki, hökumət başçısı Parisdə “Ambisiyalar: Ermənistan-Fransa” forumunda iştirak edəcək.
Eyni zamanda, iki ölkənin hökumət üzvləri müxtəlif sahələrdə əməkdaşlığın inkişafı və genişləndirilməsi məsələlərini müzakirə edəcəklər.
N.Paşinyanı səfərdə xarici işlər naziri Ararat Mirzoyan, səhiyyə naziri Anahit Avanesyan, ərazi idarəetmə və infrastruktur naziri Qnel Sanosyan və digər rəsmi şəxslər müşayiət edir.
**23:39(08.03.2022)
Ermənistanın baş naziri Nikol Paşinyan martın 9-da Fransaya işgüzar səfərə gedəcək.
Senzor.az yerli KİV-ə istinadən bildirir ki, bu barədə baş nazirin mətbuat xidməti məlumat yayıb.
Bildirilir ki, səfər çərçivəsində baş nazir Fransa Prezidenti Emmanuel Makronla görüşəcək.
“İki ölkənin rəhbərləri "Ambitions France Armenie" forumunda iştirak və çıxış edəcəklər. Tədbir zamanı Ermənistan və Fransa hökumətlərinin üzvləri müxtəlif sahələrdə əməkdaşlığın inkişafı və genişləndirilməsi məsələlərini müzakirə edəcəklər”, - məlumatda deyilir.
