Türkiyə Prezidenti Rəcəb Tayyib Ərdoğan Liberiya Prezidenti Cozef Nyuma Boakai Joseph Nyumah Boakai ilə görüşüb.
Senzor.az Türkiyə mediasına istinadən bildirir ki, görüşdə ikitərəfli münasibətlər və regional məsələlər müzakirə olunub.
Ərdoğan qeyd edib ki, iki ölkə arasında ticarət dövriyyəsinin potensialından səmərəli istifadə etmək üçün müvafiq addımların atılmasının davam etdirilməsi faydalı olacaq.
Türkiyə Prezidenti həmçinin vurğulayıb ki, Liberiya ilə müdafiə sənayesi, təhlükəsizlik, təhsil, nəqliyyat və digər sahələrdə əməkdaşlığın daha da gücləndirilməsi istiqamətində işlər davam etdiriləcək.
Prezident Ərdoğan BMT Təhlükəsizlik Şurasının qeyri-daimi üzvlüyünə seçilməsi münasibətilə Liberiya Prezidenti Boakaini təbrik edib.
