Avropa İttifaqı (Aİ) Ukrayna millətçiliyi ideologiyasını qəbul edə bilməz.

“Teleqraf” bildirir ki, bu barədə Polşa Prezidenti Karol Navrotski açıqlama verib.

"Ümid edirəm ki, dünya bu ideologiyanın 120 min insanın ölümünə səbəb olduğunu, bu gün təkcə Polşada deyil, bütövlükdə Avropada yerinin olmadığını anlayır. Bunlar Avropanın gözlədiyi qəhrəmanlar deyil", – deyə Navrotski Ukrayna sərhədindəki Radruj kəndində Volın qırğını qurbanlarının anım günü münasibətilə keçirilən tədbirdə çıxış edərkən bildirib.

Qeyd edək ki, bu il Polşada Volın qırğını qurbanlarının anım mərasimi Varşava ilə Kiyev arasında gərginliyin artması fonunda keçirilir. Bu eskalasiya Ukrayna rəhbərliyinin "banderilər"i şərəfləndirmək üçün atdığı addımlar, o cümlədən Vladimir Zelenskinin Ukrayna Silahlı Qüvvələrinin bir bölməsinə "UPA qəhrəmanları" (Ukrayna Üsyançı Ordusu) titulunu vermək qərarı ilə əlaqədardır.