Nigeriya təhlükəsizlik qüvvələri ölkənin cənub-qərbindəki Oyo ştatında 56 gün əvvəl qaçırılmış 44 məktəblini və müəllimi azad edib.
Bu barədə “Punch” qəzeti Nigeriya ordusunun bəyanatına istinadla məlumat yayıb.
Qeyd edilib ki, xilasetmə əməliyyatında hərbçilər, polis və kəşfiyyat zabitləri iştirak edib. Səkkiz nəfər şübhəli şəxs saxlanılıb, qrupun bir neçə üzvü isə öldürülüb.
Xatırladaq ki, bu il mayın 15-də 39 şagird və 7 müəllim qaçırılmışdı. Bir müəllim hücum zamanı, digəri isə sonradan öldürülmüşdü.
