Macarıstan parlamenti ölkənin Ali Məhkəməsinin keçmiş sədri Andraş Bakanı yeni Prezident seçib.
Senzor.az yerli KİV-ə istinadən bildirir ki, Bakanın namizədliyini 140 deputat dəstəkləyib, 6 nəfər əleyhinə səs verib, bitərəf qalan olmayıb.
Baka Prezident andını içib və avqustun 19-da vəzifəsinin icrasına başlayacaq. Buna qədər dövlət başçısının səlahiyyətlərini parlamentin sədri Aqneş Forsthoffer icra edəcək. 
Andraş Baka 2009-2011-ci illərdə Macarıstan Ali Məhkəməsinin sədri vəzifəsində çalışıb. Daha əvvəl, 1991-2007-ci illərdə o, Avropa İnsan Hüquqları Məhkəməsinin hakimi olub.
Prezident vəzifəsinə başqa namizəd olmayıb. "Fides" partiyasının nümayəndələri səsvermədə iştirak etməyiblər.
