İslam İnqilabı Keşikçiləri Korpusunun (SEPAH) nümayəndəsi general Hüseyn Mohebbi ABŞ Prezidenti Donald Trampın Vaşinqtonun müharibə ilə bağlı məsələlər üzrə pərdəarxası kanal vasitəsilə SEPAH nümayəndələri ilə danışıqlar aparması barədə bəyanatını təkzib edib.
Bu barədə "Tasnim" xəbər yayıb.
O, Trampın iddialarını “məğlubiyyətdən qaynaqlanan fantaziya” adlandırıb və bildirib ki, "SEPAH nümayəndələri ilə amerikalılar arasında heç bir danışıqlar aparılmır".
Mohebbinin sözlərinə görə, SEPAH "İran xalqının və İslam Respublikasının gücünün əli və səsi"dir və "öz mövqeyini birbaşa döyüş meydanında ifadə edir".
"Diplomatik məsələlər İslam Respublikasının digər strukturlarının səlahiyyətlərinə aiddir. Bununla yanaşı, mövcud məlumata və XİN rəhbərliyinin bəyanatlarına əsasən, hazırda ABŞ-la hətta diplomatik səviyyədə belə danışıqlar aparılmır", - SEPAH nümayəndəsi vurğulayıb.
