Qarşıdakı 7-8 ay Ukrayna, Polşa və bütövlükdə Avropanın təhlükəsizliyi üçün ən kritik aylar olacaq.

“Rzeczpospolita” nəşrinin məlumatına görə, bunu Polşanın Baş naziri Donald Tusk deyib.

“Biz özümüzü müxtəlif variantlara hazırlamalıyıq və bu, tam dəqiqdir ki, qarşıdakı 7-8 ay kritik olacaq. Rusiya-Ukrayna müharibəsi dönüş nöqtəsindədir”, -deyə o əlavə edib.

Tuskun sözlərinə görə, bir gün Avropadan münaqişəni izləyənlərə elə görünə bilər ki, Ukrayna müəyyən strateji üstünlük əldə edir, “iki gün sonra isə məlum olur ki, bu müharibədə məğlub olmaq riskləri də kifayət qədər realdır”.