İslandiyanın Aİ-yə daxil olması ilə bağlı referendumun ilkin nəticələri göstərir ki, ölkədə Avropa inteqrasiyasının əleyhdarları səs çoxluğu qazanırlar.

Senzor.az bildirir ki, bunu müxtəlif xarici telekanallar tərəfindən yayılan, İslandiyanın altı seçki dairəsindən beşindəki səslərin nəticələri də təsdiq edir.

Məlumata görə, referendumda 52,5 % və ya 99 000-dən çox insan danışıqların bərpasına qarşı, 47,5 %-i və ya təxminən 89 500 islandiyalı isə birliyə qoşulmağın lehinə səs verib. Danışıqların əleyhdarları Aİ üzvlüyünün digər birlik üzvlərinə ada ölkəsinin sularında balıq ovu hüququ verəcəyindən ehtiyatlanırlar.

Xatırladaq ki, İslandiya ilk dəfə 2009-cu ildə üzvlük üçün müraciət edib, lakin proses 2013-cü ildə dayandırılıb. Ölkə artıq Şengen zonasının və Avropa İqtisadi Zonasının üzvüdür.