Serbiya Prezidenti Aleksandar Vuçiç bu gün parlamentin buraxılması və oktyabrın 25-də növbədənkənar seçkilərin keçirilməsi haqqında fərman imzalayıb.
Senzor.az bildirir ki, A.Vuçiç bu barədə xalqa müraciətində danışıb və bəyan edib ki, sözügedən qərarı Serbiya hökumətinin 7 sentyabr tarixli əsaslandırılmış təklifi əsasında verib.
Qeyd edək ki, A.Vuçiç bundan əvvəl Serbiya Radio və Televiziyasının efirində parlamentin buraxılacağını və oktyabrın 25-də növbədənkənar seçkilərin keçiriləcəyini açıqlamışdı.
