Roma Papası Fransisk paytaxtdakı “Bambino Cezu” hospitalındakı 19 ukraynalı uşağı ziyarət edib.Məlumatı Vatican News yayıb.
“Papa Vatikana qayıtmazdan əvvəl palataları gəzərək bütün kiçik xəstələri ziyarət edib”, - məlumatda bildirilir.
Qeyd edək ki, sözügedən xəstəxanada müharibənin başladığı ilk günlərdə Ukraynadan qaçan uşaqlar yatır. Burada onlar onkoloji və nevroloji xəstəliklərdən müalicə olunurlar. Xəstəxanada həmçinin bu yaxınlarda ağır yaralı vəziyyətdə gələn uşaqlar müalicə edilir.
