Fevralın 24-ü yerli vaxtla saat 04:00-dan martın 19-u saat 24:00-a qədər BMT Ukraynada 2361 mülki şəxsin müharibədən zərər çəkdiyini qeydə alıb - 902 nəfər ölüb, 1459 nəfər yaralanıb. Senzor.az bildirir ki, BMT-nin İnsan Hüquqları üzrə Ali Komissarlığının hesabatında belə deyilir.
“Ümumilikdə 902 nəfər (179 kişi, 134 qadın, 11 qız və 25 oğlan, həmçinin cinsiyyəti hələlik məlum olmayan 39 uşaq və 514 böyük) öldürülüb”, - hesabatda bildirilir.
Kiyev, Çerkassk, Çerniqov, Xarkov, Xerson, Nikolayevsk, Odessa, Sumı, Zaporojye, Dnepropetrovsk və Jitomir vilayətlərində ümumilikdə 1369 nəfərin zərər çəkdyi bildirilir. Onlardan 654 nəfəri ölüb.
“Qeyd edilən mülki itkilərin əksəriyyəti ağır artilleriya və çoxsaylı reaktiv raket sistemlərindən, eləcə də hava zərbələri də daxil olmaqla, böyük dağıntı gücünə malik partlayıcı silahlardan istifadə nəticəsində baş verib”, - deyə BMT qeyd edib.
