Fransada prezidentliyinə namizəd Erik Zemmurun paytaxt Parisin şimalında narkomanların tez-tez toplaşdığı Porte-de-lya-Villet parkına səfəri zamanı ona içərisində su olan butulka atılıb.“Report” xəbər verir ki, Erik Zemmur CNews telekanalının “Morandini” adlı canlı proqramında olub. Proqram canlı yayımlanır və prezidentliyə namizədlərin Fransaya səfərlərini izləyir.
Belə ki, Zemmur izdihamın arasında olarkən ətrafdakı sakinlərdən biri ilə söhbət edib. Bu zaman ona tərəf hansısa əşya atılıb. Zemmur baş verənlərə “Görürsən, bura Parisdir, bu gün Fransa belədir” deyib.
Proqramın aparıcısının daha sonra dediyi kimi, bu, içərisində su olan butulka olub. Parisin polis prefekturasından bildirilib ki, Zemmura butulka atan şəxs saxlanılıb.
