Tacikistan Prezidenti Emoməli Rahmon Əfqanıstanın Milli qəhrəmanı Əhməd Şah Məsudu I dərəcəli İsmayıl Somani ordeni ilə təltif edib.
Bu barədə Prezidentin mətbuat xidməti məlumat yayıb.
"Tacikistanın müstəqilliyinin 30 -cu ildönümü şərəfinə Əfqanıstan İslam Respublikasının keçmiş müdafiə naziri, ölkənin Milli qəhrəmanı Əhməd Şah Məsud I dərəcəli İsmayıl Somani ordeni ilə təltif edilir", - məlumatda deyiir.
Eyni mükafata Əfqanıstanın keçmiş prezidenti, professor Bürhanəddin Rəbbani də layiq görülüb. Əfqanıstan liderləri 1993-1996-cı illərdə taciklər arasında aparılan danışıqlarda göstərdikləri yardım və vasitəçiliyə görə fəxri mükafat alıblar.
Azvision.az xatırladır ki, "İsmayıl Somani" ordeni Tacikistan Respublikasının ən ali dövlət mükafatıdır və yüksək xidmətlərə görə Prezidentin fərmanı ilə verilir.
