Rusiya Prezidenti Vladimir Putin qeyri-dost dövlətlərə qazın ixracına görə ödənişin rublla edilməsi haqqında fərman imzalayıb.Senzor.az yerli KİV-ə istinadən bildirir ki, bu barədə Kreml məlumat yayıb.
Fərmana əsasən, belə dövlətlər Rusiya banklarında hesablar açmalı olacaqlar, prosedur aprelin 1-dən qüvvəyə minəcək.
Bundan əvvəl Putin "Qazprom"a, Mərkəzi Bank və hökumətə martın 31-dək dost olmayan ölkələrə qaz nəqli üçün hesablaşmaların rublla köçürülməsini təşkil etməyi tapşırmışdı. Avropa Komissiyası bu təcrübənin qəbuledilməz olduğunu bəyan edib. Almaniyanın iqtisadiyyat naziri Robert Habek G7 ölkələrinin buna razı olmayacağını deyib.
