Aprelin 1-də Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı olub.Senzor.az yerli KİV-ə istinadən bildirir ki, bu barədə Türkiyə Prezidenti Administrasiyasının Kommunikasiya İdarəsi məlumat yayıb.
Bildirilib ki, danışıq əsnasında Rusiya və Ukraynanın nümayəndə heyətlərinin İstanbul görüşlərinin nəticələri müzakirə edilib.
Ərdoğan Rusiya və Ukraynanın nümayəndə heyətlərinin İstanbulda müsbət və konstruktiv görüşünün sülhə olan ümidləri artırdığını, dialoqun davam etdirilməsinin vacib olduğunu deyib.
Ərdoğan Türkiyə tərəfinin Rusiya və Ukrayna liderlərinin görüşünü təşkil etməyə hazır olduğunu da bəyan edib.
Vladimir Putin öz növbəsində Rusiya və Ukrayna nümayəndə heyətlərinin İstanbulda keçirilən görüşünə ev sahibliyi etdiyi üçün Rəcəb Tayyib Ərdoğana təşəkkürünü bildirib.
**17:58
Türkiyə Prezidenti Rəcəb Tayyib Ərdoğanla Rusiya Prezidenti Vldimir Putin arasında telefon danışığı başlayıb.
Məlumatı “Ahaber” yayıb.
Senzor.az xatırladır ki, liderlər arasında telefon danışığının olacağı barədə əvvəlcədən anons verilmişdi.
Onu da qeyd edək ki, ötən gün, martın 31-də R.T.Ərdoğanın Ukrayna Prezidenti Volodimir Zelenski ilə də telefon danışğı olub.
