Rusiya Prezidenti Vladimir Putin mayın 9-na qədər Ukraynada heç olmasa bir qələbə qazanmağı və Moskvada ənənəvi parad keçirməyi hədəfləyir.Bu barədə CNN ABŞ kəşfiyyatına istinadən məlumat yayıb.
"İnformasiyaya görə, Rusiya mayın 9-na kimi Donbas və digər bölgələrə nəzarəti ələ keçirmək üçün Ukraynadakı müharibə strategiyasına yenidən baxıb. Ay ərzində rus quru qoşunları döyüşdükləri ərazilərə nəzarəti saxlaya bilmədilər. Məhz buna görə də Putin ən azı bir qələbə qazanacağına və mayın əvvəlinə qədər Ukraynanın şərqində nəzarəti ələ alacağına ümid edir. Müharibə şəraitindən və sülh danışıqlarından asılı olmayaraq Putinin mayın 9-da qələbə paradı olacaq", - məlumatda bildirilib.
