Qara dənizdə, Türkiyənin şimal-qərb sahillərində növbəti dəfə mina aşkar edilib.Senzor.az yerli KİV-ə istinadən bildirir ki, bu barədə Türkiyənin Milli Müdafiə Nazirliyi məlumat yayıb.
Qeyd olunur ki, mina Kefken adası yaxınlığında patrul təyyarəsi tərəfindən aşkarlanıb. Həmin bölgə təhlükəsizlik məqsədilə əhatəyə alınıb və minanın zərərsizləşdirilməsi üçün mütəxəssislər cəlb edilib.
Xatırladaq ki, mart ayının sonlarında Türkiyə sularında bir neçə dəfə, eləcə Rumıniya və Bolqarıstan sahillərində dəniz minaları aşkar edilmişdi.
