Yeddi ölkə Ukrayna üçün təhlükəsizlik təminatlarına dair beynəlxalq sazişin məzmununu müzakirə etməyə hazırdır.Bunu Ukrayna Prezidenti Vladimir Zelenski “Habertürk” telekanalına müsahibəsində deyib.
“ABŞ, Böyük Britaniya, Türkiyə, Polşa, Almaniya, Fransa, İsrail - bunlar hamısı zamin deyil, amma mən o ölkələrin adlarını çəkdim ki, gəlib təhlükəsizlik zəmanətlərinin siyahısını müzakirə etməyə hazırdırlar. Çünki bu, ilk addımdır. Bu qarantlarla görüş, sonra təhlükəsizlik zəmanətləri ilə bağlı birgə anlaşma, sonra isə Rusiya tərəfi ilə əlaqə...” - Zelenski qeyd edib.
Onun sözlərinə görə, bəzi ölkələr Ukraynanı tam dəstəkləməyə hazırdır, bəziləri isə yox, ona görə də məsləhətçilər səviyyəsində görüş və potensial sənədin bəndlərinin müzakirəsi zəruridir.
Bundan əvvəl Zelenski qeyd edib ki, ABŞ Ukraynanın tələb etdiyi formada təhlükəsizlik zəmanəti verməyə razı deyil.
