Ermənistanda bomba həyəcanı yaşanıb. AzVision.az xəbər verir ki, Ermənistanın Fövqəladə Hallar Nazirliyinə “Rossiya Mall” ticarət mərkəzində bomba olması barədə məlumat daxil olub. Yanğınsöndürmə-xilasetmə dəstəsinin xüsusi heyəti və növbətçi psixoloq hadisə yerinə yola düşüb.
Xatırladaq ki, bundan bir neçə saat öncə “Metronome” yeraltı ticarət mərkəzində də bomba olması ilə bağlı məlumat yayılmışdı. Xilasetmə İdarəsinin yanğın-xilasetmə dəstəsinin heyəti, kinoloqlarla birgə hadisə yerinə gedərək polis əməkdaşları ilə birlikdə 500-ə yaxın vətəndaşı təxliyə ediblər. Bildirilir ki, ticarət mərkəzinin ərazisi yoxlanılır.
