Avropa İttifaqı (Aİ) Şurası Ukraynaya hərbi texnika üçün əlavə 500 milyon avro verilməsi qərarını təsdiqləyib.Qurumun bununla bağlı yaydığı bəyanatında deyilir ki, Aİ Ukrayna üzrə Avropa Sülh Fondu çərçivəsində artıq səfərbər edilmiş resurslara 500 milyon avro əlavə edəcək və bununla da ilkin büdcəni üç dəfə artıraraq 1,5 milyard avroya çatdıracaq.
Azvision.az xatırladır ki, bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Cozep Borrel Kiyevə səfəri zamanı Avropa İttifaqı tarixində ilk dəfə olaraq münaqişənin diplomatik yolla deyil, hərbi yolla həllini arzulamışdı. Eyni zamanda o, Aİ-nin Ukraynaya hərbi texnika üçün əlavə 500 milyon avro ayırmaq niyyətini açıqlamışdı.
