Əfqanıstanla sərhəddə Pakistan ordusunun 7 hərbçisi pusquya salınaraq öldürülüb.Senzor.az yerli KİV-ə istinadən bildirir ki, bu barədə Pakistan silahlı qüvvələrinin mətbuat xidməti bəyanat yayıb.
Bəyanatda Pakistan hərbi karvanının ölkənin Əfqanıstanla sərhədində yerləşən Şimali Vəziristan bölgəsində pusquya salındığı, intensiv atışma zamanı yeddi əsgər və dörd terrorçunun həlak olduğu bildirilib.
Bölgədə terrorçuların zərərsizləşdirilməsi üçün əməliyyatlar davam etdirilir.
“Pakistan ordusu terror təhlükəsini aradan qaldırmaq əzmindədir və hərbçilərimizin bu cür fədakarlığı bizim əzmimizi daha da gücləndirir”, - deyə bəyanatda qeyd edilib.
