Rusiyanın başladığı müharibə nəticəsində Ukraynanın itkiləri 550 milyard dollar qiymətləndirilir.Senzor.az bildirir ki, bunu Ukrayna Prezidenti Beynəlxalq Valyuta Fondu (BVF) və Dünya Bankının (DB) yaz sessiyasının tədbirləri çərçivəsində keçirilən dəyirmi masada iştirak edərkən deyib.
O bildirib ki, Ukrayna iqtisadiyyatını bərpa etmək üçün ayda 7 milyard dollara qədər vəsaitə ehtiyac duyulur.
Ukrayna lideri BVF və DB-nın dəstəyi ilə tez bir zamanda ölkənin bərpası və yenidən qurulmasına ümid etdiyini bildirib.
Bundan əvvəl Ukraynanın Baş naziri Denis Şmıqal deyib ki, bu il ölkənin ÜDM-i 30-50% azala bilər. Onun sözlərinə görə, ilkin təhlillər göstərir ki, müharibə nəticəsində birbaşa və dolayı itkilər 560 milyard dolları ötür.
