Türkmənistanın yeni Prezidenti Sərdar Berdıməhəmmədov “Qarani Kərim”in tam şəkildə nazil edildiyi Qədr gecəsi şərəfinə 514 məhkumu əfv edib.“İnterfaks” xəbər verir ki, bu barədə şənbə günü “Neytral Türkmənistan” qəzeti məlumat yayıb.
Dövlət başçısı müvafiq fərmanı hökumətin cümə günü videobağlantı vasitəsilə keçirilən iclasında imzalayıb.
Vilayət, etrap (rayon) və şəhərlərin rəhbərlərinə əfv olunanların işlə təmin olunması üçün zəruri tədbirlərin görülməsi tapşırılıb.
S.Berdiməhəmmədov bildirib ki, mütəmadi olaraq əfvedilmə aktları həyata keçirməklə törətdiyi cinayətdən səmimi şəkildə peşman olan insanların vicdanlı əməklə təqsirlərini yumasına və ölkənin inkişafında fəal iştirak etmələrinə şərait yaradırlar.
