Ramazan ayında Şimali Avropa ölkələrində müsəlmanlara qarşı təxribat xarakterli aksiyalar davam edir."Haber Global" bildirir ki, Danimarka və İsveçdən sonra bu dəfə analoji hal Norveçdə baş verib.
Belə ki, ifrat sağçı “Norveçin islamlaşmasını dayandır” təşkilatının keçirdiyi aksiya zamanı onun sədri Lars Torsen və həmfikirləri Qurani-Kərimin səhifələrini cıraraq ətrafa səpələyiblər.
Yerli polisin məlumatına görə, aksiya zamanı baş verən hadisələrdə 10 nəfər saxlanılıb.
Torsen bəyan edib ki, aksiyanı Quranı yandırması ilə “məşhurlaşan” danimarkalı ifrat sağçı Rasmus Paludanı dəstəkləmək üçün keçirib.
