Rusiyanın Ukraynaya hücumundan sonra 20 ölkədən 443 rusiyalı diplomat öz vəzifəsini tərk edib.Bu barədə “The Washington Post” yazıb.
Nəşrin məlumatına görə, Ukraynaya hücumuna və xaricdəki təxribat fəaliyyətinə görə Rusiyanı cəzalandırma strategiyasının bir hissəsi olaraq onlarla ölkə rusiyalı diplomatları və səfirlik rəsmilərini ərazilərindən çıxarıb.
Bəzi ölkələr Rusiya səfirliyinin rəsmilərini casusluqda ittiham edib. Digər ölkələr buna əsas kimi 1961-ci ilin diplomatik münasibətlər haqqında Vyana Konvensiyasının pozulmasını əsas gətiriblər. Bir qism ölkələr isə Rusiya hərbçilərinin Kiyev vilayətində törətdiyi qəddarlıqlara görə diplomatların ölkədən çıxarılmasını elan ediblər.
Ümumilikdə, nəşrin hesablamalarına görə, Rusiyanın Ukraynaya hərbi müdaxiləsindən sonra 20-yə yaxın ölkədən 400-dən çox rusiyalı diplomat öz vəzifələrini tərk etmək məcburiyyətində qalıb.
“Report” bildirir ki, siyahıda adı ən çox qeyd edilən ölkə ABŞ-dır. ABŞ beynəlxalq arenadakı əsas rəqibinə qarşı sanksiyalar da tətbiq edib.
