Ukrayna Rusiyadan Mariupolda iki humanitar dəhliz açılmasını istəyir. Bunlardan biri “Azovstal”dan, digəri isə şəhərin özündən çıxış üçün olmalıdır. UNİAN bildirir ki, bu istəklə həmçinin Roma Papası Fransisk də Rusiya Prezidenti Vladimir Putinə müraciət edib.
Məlumata görə, Roma Papası artıq müvafiq xahişini üç dəfə təkrarlayıb. O, “Azovstal”dan təxliyənin Vatikan bayrağı altında üzən gəmi vasitəsilə təşkil edilməsini istəsə də cəhdləri hər dəfə nəticəsiz qalıb.
Hələlik Moskvadan bu iddia ilə bağlı açıqlama verilməyib.
