ABŞ Kiyevə hərbi yardım göstərmək üçün Yunanıstana təzyiqi artırır.Senzor.az bildirir ki, bu barədə Yunanıstanın “Defense-point.gr” nəşri məlumat yayıb.
Qeyd olunub ki, ABŞ Yunanıstandan Rusiya istehsalı olan S-300 zenit-raket komplekslərini Ukraynaya təhvil verməsini istəyir.
Nəşrin yazdığına görə, ukraynalılar bu hava hücumundan müdafiə sistemini çox yaxşı bilirlər və onu dərhal öz arsenallarına inteqrasiya edə bilərlər. Slovakiya Çexoslovakiyanın dağılmasından sonra malik olduğu S-300 hava hücumundan müdafiə sistemlərini ötən ay artıq Ukraynaya təhvil verib: “ABŞ Yunanıstandan da analoji addım gözləyir”.
Ancaq Yunanıstan hələlik bundan imtina edib.
