ABŞ-ın birinci xanımı Cill Bayden Ukraynanın Ujqorod şəhərini ziyarət etdikdən sonra Beynəlxalq Analar Günündə ukraynalı analar və onların uşaqlarının yanında olmaq istədiyini bildirib.Bu barədə o, “Tvitter” hesabında yazıb. Cill Bayden qeyd edib ki, son bir neçə ayda həddən artıq ukraynalı evlərini, yaxınlarını tərk etməli olub.
ABŞ-ın birinci xanımı, həmçinin nə üçün Rumıniya və Slovakiyadakı ukraynalı qaçqınlarla görüşlərlə məhdudlaşmadığını, təhlükəyə baxmayaraq, Ukraynaya getmək qərarına gəldiyini izah edib.
"Ümid edirəm ki, burada olmaqla onların gücü və möhkəmliyinin dünyaya nə qədər ilham verdiyini çatdıra və onlara tək olmadıqlarını xatırlada bilərəm", - Cill Bayden vurğulayıb.
“Report” xatırladır ki, ABŞ Prezidenti Cozef Baydenin xanımı bugünlərdə Ukraynaya gizli səfər edib. Yerli mətbuatın məlumatına görə, Cill Bayden Ujqorodda Ukraynanın birinci xanımı Yelena Zelenski ilə görüşüb. Onlar Ujqorodda Ukraynanın hərbi əməliyyatların davam etdiyi ərazilərdən məcburi köçkün düşən insanların məskunlaşdıqları məktəbə baş çəkiblər. Məlum səbəblərdən Ujqorod səfəri elan olunmayıb, mümkün qədər məxfi saxlanılıb və media üçün qapalı olub. Görüşdə yalnız Ağ Evin mətbuat xidməti iştirak edib.Hazırda Cill Bayden Ukrayna ərazisini tərk edib.
**17:42
ABŞ-ın birinci xanımı Cil Bayden mayın 8-də Ukraynaya işgüzar səfər edib.Senzor.az Ukrayna mətbuatına istinadən bildirir ki, xanım Bayden Ukraynanın birinci xanımı Olena Zelenskaya ilə görüşub.
Onlar hərbi əməliyyatların davam etdiyi rayonlardan olan miqrantların məskunlaşdırdıqları məktəblərdən birinə baş çəkiblər.
Qeyd edək ki, Cil Baydenin səfəri öncədən elan olunmayaraq gizli saxlanılıb və mediaya qapalı keçib.
