Ukrayna Prezidenti Volodimir Zelenski Kiyevdə Avropa Şurasının Baş katibi Mariya Peyçinoviç-Buriç ilə görüşüb.Senzor.az yerli KİV-ə istinadən bildirir ki, bu barədə dövlət başçısının mətbuat xidməti məlumat yayıb.
Zelenski səfərə görə Peyçinoviç-Buriçə təşəkkür edib. Tərəflər arasında Avropa Şurasının Ukraynaya dəstək verməsinin konkret yolları müzakirə edilib.
Dövlət başçısı Avropa Şurasını Rusiyanın Ukrayna vətəndaşlarının müvəqqəti işğal olunmuş rayonlardan və müharibə zonalarından qeyri-qanuni deportasiyasını dayandırmaq, habelə digər beynəlxalq tərəfdaşlarla birlikdə ukraynalıların Rusiyadan çıxarılmasını təmin etmək üçün mümkün olan bütün səyləri göstərməyə çağırıb.
