Şimali Koreyanın dövlət mediasında ilk dəfə olaraq KXDR lideri Kim Çen Inın tibbi maskada görüntüləri yayımlanıb.Bu barədə Cənubi Koreyanın “Yonhap” xəbər agentliyi məlumat yayıb.
Agentlik Şimali Koreyada Fəhlə Partiyası Mərkəzi Komitəsi Siyasi Bürosunun mayın 12-də keçirilən iclası ilə bağlı süjet yayıb. Görüntülərdə Kim Çen Inın sadə mavi-ağ tibbi maska taxdığı diqqət çəkib.
Xatırladaq ki, Şimali Koreyada COVID-19-un “Omikron” variantına ilk yoluxma halı qeydə alınıb. Daha dəqiq desək, ölkə hakimiyyəti belə qənaətə gəlib ki, mayın 8-də Pxenyanda qızdırması olan xəstələrdən götürülən nümunələr “Omikron”la eynidir.
Ona görə də hökumət “maksimum fövqəladə vəziyyət” üçün virusa nəzarət sisteminin tətbiq olunduğunu elan edib.
Onu da qeyd edək ki, 2020-ci ilin yanvar ayının sonundan koronavirusla əlaqədar KXDR-in sərhədləri əcnəbilər və ölkə vətəndaşları üçün tamamilə bağlanıb.
