“Üçüncü ölkələr Mariupolun müdafiəçiələrinin mühasirəyə alınmış "Azovstal" zavodundan azad edilməsi üzərində işləyirlər”.Ukrayna Prezidenti Volodimir Zelenski bunu İtaliyanın “Ria 1” telekanalına müsahibəsində deyib.
“Biz dayanmamalıyıq. Hər bir insan üçün mübarizə aparmalıyıq. Düzünü desəm, ölənləri orada saxlamaq istəmirik, çünki ailələri onları gözləyir. Rusiyaya məlumat ötürdük. Biz hətta üçüncü bir ölkəni cəlb etmək mexanizmindən istifadə etdik. İsrail, İsveçrə və Türkiyə bu gün bu məsələ üzərində işləyirlər”, - o söyləyib.
Dövlət başçısı əlavə edib ki, Ukrayna tərəfi Mariupolun yaralı müdafiəçilərini Rusiya əsirləri ilə dəyişməyə hazırdır.
