“Böyük Yeddilik” (G7) ölkələri Ukraynaya 30 milyard avro maliyyə dəstəyi ayırmaq niyyətindədir.Bunu Almaniyada nəşr olunan “Der Spiegel” nəşri yazıb.
Məlumata görə, gələn həftə Almaniyada keçiriləcək “G7”in maliyyə nazirlərinin görüşündə onlar Kiyevə 30 milyard avro civarında maliyyə yardımı ayırmaq barədə qərar qəbul etməyi planlaşdırırlar.
Bildirilib ki, vəsait kredit və qrant şəklində verilməlidir. Beləliklə, Kiyev gələcəkdə heç də həmin vəsaitin hamısını qaytarmalı olmayacaq.
“Der Spiegel” onu da yazıb ki, müharibənin bu il ərzində bitəcəyi ehtimal olunur.
