Ermənistan müxalifəti səhər saatlarından başlayaraq etiraz yürüşünə başlayıb. Senzor.az yerli KİV-ə istinadən bildirir ki, polis Aştarak yolundan avtomobillərlə başlayan yürüşün İrəvana keçməsinə imkan verməyib.
Mitinq iştirakçıları etiraz əlaməti olaraq avtomobilləri saxlayaraq Şiraz küçəsində hərəkəti iflic etmək qərarına gəliblər.
Danışıqlardan sonra avtoyürüş davam edib. Hazırda avtomobillər dörd istiqamətdən İrəvana doğru hərəkət edir.
Xatırladaq ki, İrəvanda müxalifət qüvvələrinin təşkil etdiyi etiraz aksiyaları mayın 2-dən yenidən başlayıb. Etiraz hərəkatının iştirakçıları Qarabağ siyasətinə görə Ermənistan hakimiyyətinin istefasını tələb edirlər.
