Türkiyə və Kolumbiya tərəfindən Birgə Bəyannamənin imzalanması iki ölkə arasında münasibətlərin strateji tərəfdaşlıq səviyyəsinə çatdırılmasına kömək edəcək.
Senzor.az “Anadolu”ya istinadən bildirir ki, bunu Türkiyə Prezidenti Rəcəb Tayyib Ərdoğan İstanbulda kolumbiyalı həmkarı İvan Duke Markeslə danışıqların yekunlarına dair birgə mətbuat konfransında deyib.
Dövlət başçısı avqustun əvvəlində Kolumbiyaya səfər edəcəyini də bildirib.
Qeyd edək ki, mayın 20-də Türkiyə və Kolumbiya liderləri İstanbuldakı Dolmabağça iqamətgahında danışıqlar aparıblar.
Türkiyə-Kolumbiya ikitərəfli münasibətlərinin müxtəlif aspektləri müzakirə edilib.
Tərəflər iki ölkə arasında əməkdaşlığın genişləndirilməsi istiqamətində addımları nəzərdən keçiriblər.
Regional və beynəlxalq gündəlikdəki aktual məsələlər ətrafında da fikir mübadiləsi aparılıb.
Senzor.az
