NATO rəhbərliyi Türkiyə ilə rəsmi Ankaranın narahatlığını müzakirə edəcək.
Xarici mətbuat xəbər verir ki, bunu Alyansın Baş katibi Yens Stoltenberq deyib.
Onun sözlərinə görə, Alyans lazımi arqumentlər tapacaq
Rusiya Prezidenti Vladimir Putin haqqında danışan Baş katib qeyd edib ki, onun soyqırımın təşkilatçısı olub-olmamasına Haaqa Tribunalı qərar verməlidir.
“Report” xatırladır ki, ötən həftə İsveç və Finlandiya Alyansa üzvlüklə bağlı ərizələr veriblər və bu ərizələr NATO-ya üzv olan ölkələrin parlamentləri tərəfindən təsdiqlənməlidir. Bununla belə, Türkiyə İsveç və Finlandiyanın terrorçulara sığınacaq verdiyini əsas gətirərək, həmin ölkələrin Alyansa girişini əngəlləməklə hədələyib.
Yeri gəlmişkən, hər iki ölkədə PKK terrorçularına dəstək aksiyaları keçirilir.
