ABŞ Ermənistana yeni səfir göndərir. Vaşinqtonun Ukraynadakı səfirinin müavini Alan Pursel isə əsas namizəddir. 

Bu barədə Ermənistanın məşhur “Joğovurd” qəzeti məlumat yayıb.

Nəşr öz mənbələrinə istinadən edərək yazıb ki, ABŞ-ın İrəvandakı diplomatik missiyasının hazırkı rəhbəri Lin Treysinin səlahiyyət müddəti iki aydan sonra başa çatacaq.

Müəllif iddia edir ki, hazırda Kiyevdə ABŞ-ı təmsil edən Bridcet Brinkin müavini Purseldən başqa Treysini əvəz edə biləcək namizəd yoxdur.

“Ukraynada “od-alovdan” keçmiş amerikalı diplomat Ermənistandakı diplomatik missiyaya rəhbərlik edəcək”, - qəzet yazıb.

Azvision.az xatırladır ki, bu, amerikalı diplomatların Ermənistan və Ukraynada ilk yerdəyişmə hadisəsi deyil. ABŞ-ın Kiyevdəki diplomatik missiyasının əvvəlki rəhbəri Mari Yovanoviç ondan əvvəl Ermənistanda səfir olmuşdu.