Qazaxıstanda ölkə Prezidentinin təşəbbüsü ilə keçirilən konstitusiyaya əlavə və dəyişikliklər üzrə referendum
baş tutub.
Senzor.az bildirir ki, bu barədə Mərkəzi Referendum Komissiyası məlumat yaylb.
Seçici fəallığı 50%-lik həddi keçib və 7 saatlıq səsvermədə 53,43% təşkil edib.
**09:22
Qazaxıstanda konstitusiyaya əlavə və dəyişikliklər üzrə referendum başlayıb.
Kazinform agentliyi xəbər verir ki, seçki məntəqələri yerli vaxtla saat 7:00-da açılıb, səsvermə saat 20:00-dək davam edəcək.
Ölkə üzrə və xaricdə ümumilikdə 10 mindən çox məntəqə fəaliyyət göstərəcək. Referendumun keçərli olması üçün səsvermədə seçicilərin yarıdan çoxunun (50 faiz+1 seçici) iştirakı vacibdir. Mərkəzi referendum komissiyası yekun nəticələri səsvermədən sonrakı yeddi gün ərzində dərc etməlidir.
Referendumda iştirak etmək hüququ olan vətəndaşların siyahısına ümumilikdə 11,7 milyon qazaxıstanlı daxil edilib. Ölkədə 19,1 milyondan çox əhali yaşayır.
Konstitusiyaya əlavə və dəyişikliklər edilməsinə dair referendum keçirilməsi təşəbbüsünü Qazaxıstan Prezidenti Kasım-Jomart Tokayev aprelin 29-da Qazaxıstan Xalqları Assambleyasının sessiyasında irəli sürüb. Təklif olunan dəyişikliklərə əsasən, dövlət başçısının səlahiyyətləri azaldılır, parlamentin və yerli nümayəndəli orqanların rolu əhəmiyyətli dərəcədə gücləndirilir, Konstitusiya Məhkəməsi yaradılır, həmçinin ölkənin birinci prezidenti Nursultan Nazarbayevin statusu haqqında müddəa konstitusiyadan çıxarılır.
