Gürcüstanda həqiqi hərbi xidmət müddəti daha 4 ay azaldılacaq.
Senzor.az yerli KİV-ə istinadən bildirir ki, bunu Gürcüstanın müdafiə naziri Cuanşer Burçuladze parlamentdə çıxışı zamanı deyib.
Onun sözlərinə görə, bu məqsədlə çağırışçılar üçün milli hərbi xidmətin yaradılması nəzərdə tutulub. Ölkədə həqiqi hərbi xidmətə çağırış sistemində də dəyişikliklər ediləcək. Eyni zamanda, ölkədə həqiqi hərbi xidmət müddəti 12 aydan 8 ayadək azaldılması planlaşdırılıb.
Nazir deyib ki, dəyişiklikdən sonra həqiqi hərbi xidmətdən yalnız Müdafiə Nazirliyi sistemində keçmək mümkün olacaq. Xidmət dövründə gənclər yüksək səviyyədə ilkin döyüş hazırlığı əldə edə biləcəklər.
Qeyd edək ki, Gürcüstan qanunvericiliyinə əsasən, 18-27 yaş arasında kişilər 12 aylıq həqiqi hərbi xidmət keçməlidirlər.
