Çinin paytaxtı Pekində yeni koronavirusa yoluxma ocağı aşkar edilib.

Senzor.az yerli KİV-ə istinadən bildirir ki, bu barədə Pekin Səhiyyə Komitəsi məlumat yayıb.

Məlumata görə, son sutka ərzində 61 nəfərdə yoluxma aşkar olunub ki, həmin şəxslərin də eyni əyləncə məkanında – barda olduqları müəyyən edilib.

Yoluxanların 25 nəfəri xəstəliyi simptomsuz keçirir.

Faktla bağlı Çaoyan rayonunda epidemiya tələbləri yenidən sərtləşdirilib, bir çox əyləncə məkanları müvəqqəti bağlanıb. Bundan başqa, son günlər infeksiya mənbəyinin qeydə alındığı ərazidə olan insanların karantinə alınacağı bildirilir.

Qeyd edək ki, Çaoyan Pekinin ən prestijli rayonlarından biridir. Burada çoxlu sayda əcnəbi yaşayır.