“Latın qrafikasına keçmək son dərəcə vacibdir”.

“Zakon” xəbər verir ki, bunu Qazaxıstan Prezidenti Kasım-Jomart Tokayev Ulıtauda keçirilən Birinci Xalq qurultayındakı çıxışında deyib.

“İctimaiyyətin bəzi nümayəndələri kirill əlifbasından hələ də xilas ola bilməməyimizdən narahatdır. Bu, hər şeydən əvvəl çox mürəkkəb linqivistik məsələdir. Bunu yaxşı başa düşmək lazımdır. Biz iki dəfə latın qrafikasına keçməyə cəhd etmişik, ancaq alınmayıb. Ona görə də bu məsələni hərtərəfli, dərin təhlil edib yekun qərar qəbul etmək lazımdır”.

O, qazax dilinin orfoqrafiyasının öyrənilməsinin vacibliyini də vurğulayaraq deyib: “Başlıca məsələ vətəndaşlarımızın, xüsusilə gənclərimizin sözləri qazax dilində düzgün yazmağı öyrənməsidir. Daha doğrusu, dilimizdə sözlərin düzgün yazılmasına yenidən nəzər yetirməliyik”.

“Report” bildirir ki, Prezident müvafiq instituta qazax dilinin yeni orfoqrafiyasını yazmağı tapşırıb.