İrəvanda KTMT-yə üzv dövlətlərin Təhlükəsizlik Şuraları Katibləri Komitəsinin iclası başlayıb.
Senzor.az “Sputnik Armeniya”ya istinadən bildirir ki, iclası Ermənistan Təhlükəsizlik Şurasının katibi Armen Qriqoryan açıb.
O, çıxışında Kollektiv Təhlükəsizlik Müqaviləsinin imzalanmasının 30-cu ildönümü münasibətilə tədbirə gələnləri təbrik edib, bu yubileyin hərbi-siyasi strukturun gələcək inkişafı baxımından mühüm mərhələ olduğunu bildirib.
O, iştirakçılara Təşkilat çərçivəsində birgə fəaliyyətlərində uğurlar arzulayıb.
İclasda KTMT-nin baş katibi Stanislav Zas da iştirak edir.
Daha əvvəl bildirilmişdi ki, iclas zamanı KTMT-nin kollektiv təhlükəsizlik sisteminin komandanlıq-nəzarət orqanlarının, qüvvə və vasitələrinin 2023-cü il üçün birgə hazırlığı Planı və bir sıra digər sənədlər Təhlükəsizlik Şuraları Katibləri Komitəsinin təsdiqinə təqdim olunacaq.
Xatırladaq ki, KTMT-yə Ermənistan, Rusiya, Belarus, Qazaxıstan, Qırğızıstan və Tacikistan daxildir. Bu il təşkilata Ermənistan sədrlik edir.
Senzor.az
