Ukraynada səfərdə olan Böyük Britaniyanın Baş naziri Boris Conson bu ölkənin Prezidenti Volodimir Zelenski ilə Kiyevdə gəzintiyə çıxıb.
Senzor.az yerli KİV-ə istinadən bildirir ki, onlar paytaxtdakı Müqəddəs Mixael monastırını ziyarət ediblər.
Bundan əlavə, Zelenski və Conson Ukraynanın həlak olan qəhrəmanlarının xatirəsini yad ediblər.
Onlar Rusiya ordusunun məhv edilmiş hərbi texnikasının sərgisinə də baxıblar.
Xatırladaq ki, bu, Consonun Ukraynada tammiqyaslı müharibə başlayandan bəri ikinci səfəridir. O, birinci dəfə apreldə Kiyevdə olmuş və onda da V.Zelenski ilə birlikdə paytaxt küçələrində gəzintiyə çıxmışdı.
