ABŞ-ın keçmiş prezidenti Donald Tramp 2024-cü ildə keçiriləcək prezident seçkiləri barədə danışıb.
Senzor.az yerli KİV-ə istinadən bildirir ki, o, seçkilərdə iştirakına mane ola biləcək hansısa amilin olmasını real saymayıb.
Ağ Evin keçmiş rəhbəri "Newsmax"a müsahibəsində qeyd edib ki, ABŞ artıq cəhənnəmə bənzəyir.
“Mənim namizədliyimə mane olacaq nələrinsə olmasından xəbərim yoxdur. Biz ölkəni yenidən güclü etməliyik. Ölkəmiz cəhənnəmə döndərildi. Hər şey çox tez pisləşdi... Mən vətənimizi sevirəm və onun üçün nə lazımdırsa, edəcəyəm”, - deyə eks-prezident vurğulayıb.
Qeyd edək ki, bir müddət öncə Co Bayden də ikinci müddətə namizəd olmağa hazır olduğunu açıqlamışdı.
