Səudiyyə Ərəbistanı Krallığının vəliəhdi, Baş nazirin müavini Məhəmməd bin Salman bin Əbdüləziz Al Səud Türkiyə Respublikasında rəsmi səfərdədir.
Senzor.az yerli KİV-ə istinadən bildirir ki, ali qonağı Ankarada Prezident Administrasiyasında Türkiyə Prezidenti Rəcəb Tayyib Ərdoğan rəsmi mərasimlə qarşılayıb.
Baş nazirin müavini Məhəmməd bin Salman bin Əbdüləziz Al Səudi geniş tərkibli nümayəndə heyəti müşayiət edir.
Prezident Rəcəb Tayyib Ərdoğan ilə Səudiyyə Ərəbistanının Baş nazirinin müavini Əbdüləziz Al Səud arasında ikitərəfli görüşdən sonra iki ölkəni təmsil edən heyətlər bir araya gələcəklər.
Ekspertlərin fikrincə, bu səfər təkcə Səudiyyə Ərəbistanı-Türkiyə münasibətlərinin inkişafı baxımından deyil, regional proseslərin düzgün məcraya yönəldilməsi baxımından mühüm əhəmiyyət daşıyır.
