İranın Sistan-Bəlucistan vilayətində sərhədçilər ölkəyə qaçaqmalçılıq yolu ilə keçirilən 1 ton 500 kiloqram narkotik vasitəni müsadirə ediblər.
Bu barədə İran Sərhəd Qoşunlarının komandanı general Əhməd Əli Güdərzi məlumat verib.
O bildirib ki, qaçaqmalçıların narkotik vasitələri İrana keçirməsi haqqında məlumat əldə edən sərhədçilər dərhal plan hazırlayıblar. Qaçaqmalçıların avtomobillərinə baxış zamanı 1,5 ton narkotik vasitə aşkarlanaraq müsadirə edilib. Həbs olunanlar var. İstintaq aparılır.
AZƏRTAC xatırladır ki, İranın Sistan-Bəlucistan vilayəti Əfqanıstanla həmsərhəddir. Qaçaqmalçılar buradakı sərhəd-keçid məntəqələrindən istifadə edərək İrana narkotik vasitələr keçirməyə çalışırlar. Bu məntəqələrdən hər il 10 tona yaxın narkotik vasitə tutulur.
