ABŞ, Böyük Britaniya, Yaponiya, Avstraliya və Yeni Zelandiya yeni tərəfdaşlıq mexanizmi yaradıldığını elan ediblər.
Senzor.az yerli KİV-ə istinadən bildirir ki, bununla bağlı Ağ Ev bəyanat yayıb.
Bəyanatda “Mavi Sakit okeanda tərəfdaşlar” ("Partners in the Blue Pacific") adlı mexanizmin işə salındığı bildirilib.
"Bu gün Sakit okean prioritetlərini daha yaxşı və effektiv şəkildə dəstəkləmək üçün beş ölkə tərəfindən hərtərəfli qeyri-rəsmi mexanizm - "Partners in the Blue Pacific" işə salınıb", - bəyanatda deyilir.
Qeyd olunur ki, bu tərəfdaşlıq xüsusilə Sakit okean regionçuluğunu dəstəkləməyə və Sakit okean regionu ölkələri ilə dünyanın qalan hissəsi arasında əməkdaşlığı genişləndirməyə yönəlib.
