“Rusiyada Putinin (Rusiya Prezidenti Vladimir Putini nəzərdə tutur-red.) zorakılığını həyəcanla müşahidə edən, özünü təhlükəsiz şəraitdə hiss etməyən rusiyalı alim və araşdırmaçılar Böyük Britaniyaya köçmək üçün çəkinmədən müraciət edə bilərlər”.

BBC xəbər verir ki, bunları Böyük Britaniyanın Baş naziri Boris Conson deyib.

“Siz Böyük Britaniyaya - aşkarlıq, azadlıq və biliklərə yiyələnməyi dəyərləndirən ölkəyə köçmək üçün müraciət edə bilərsiz”, - o vurğulayıb.

Məlumata görə, “Risk bölgəsində araşdırma” proqarmı çərçivəsində 130-a yaxın ukraynalı araşdırmaçı da Böyük Britaniyaya gedəcək. Proqrama ayrılan vəsait 10 milyon funt sterlinq artırılıb.

B.Conson Rusiya alimlərini ukraynalı həmkarları ilə birlikdə Britaniyada işləməyə dəvət edib.("Report")