Şri-Lanka Prezidenti Qotabaya Rajapaksa rusiyalı həmkarı Vladimir Putindən yanacaq idxalı üçün kredit xətti açmağı xahiş etdiyini bildirib.
Senzor.az yerli KİV-ə isinadən bildirir ki, o bu barədə “Tvitter”də yazıb.
"Rusiya Prezidenti Vladimir Putinlə çox məhsuldar telefon danışığım oldu" deyə vurğulayan ada dövlətinin başçısı mövcud iqtisadi problemlərin aradan qaldırılması üçün Şri-Lankaya yanacaq idxalı üçün Rusiya Prezidentindən kredit dəstəyi xahiş etdiyini bildirib və bundan əvvəl göstərilən yardıma görə Putinə təşəkkür edib.
Q. Rajapaksa bildirib ki, tərəflər turizm, ticarət və mədəniyyət sahələrində ikitərəfli əlaqələri daha da gücləndirmək barədə razılığa gəliblər.
